Ermənistanın sabiq müdafiə naziri, Baş nazir Nikol Paşinyanın keçmiş müşaviri Arşak Karapetyanın sosial şəbəkə hesabında paylaşdığı foto ölkədə birmənalı qarşılanmayıb.
Globalinfo.az xəbər verir ki, Karapetyan Kazanda keçirilən BRİKS+ sammitinə qatılan Paşinyanın qarşısında “Azərbaycan” yazısının əks olunduğu foto yayıb.
Sanki “Ermənistan” yerinə qəsdən “Azərbaycan” yazıldığı, Paşinyanın da bunu bilərək o yazının arxasında əyləşdiyi təəssüratını yaradıb. Onun bu addımı ölkədə birmənalı qarşılanmayıb. Keçmiş müdafiə naziri erməni ictimaiyyəti tərəfindən “saxtakar” adlandırılıb.
Erməni politoloq Styopa Səfəryan Karapetyanın əvvəllər Paşinyana yaxın olduğunu bildirib:
“Bu adam 44 günlük müharibədən əvvəl baş nazirin müşaviri idi. Müharibədən aylar sonra isə Ermənistanın müdafiə naziri oldu. O, 2016-cı il Aprel döyüşləri zamanı kəşfiyyat xidmətinin fəaliyyətinə cavabdeh idi. Belə titullara sahib bir şəxs indi məsuliyyətsiz davranır, saxta məlumat yayır. Bu, qəbuledilməzdir”.
Fotonun orijinalı
Ayşən Mustafa
Globalinfo.az
