Avropa qurumlarının tələblərinə baxmayaraq, Serbiya hakimiyyəti Rusiya vətəndaşları üçün viza rejimi tətbiq etmək niyyətində deyil.
Globalinfo.az xəbər verir ki, bunu Serbiya prezidenti Aleksandr Vuçiç “Prva” televiziyasında bildirib və iki ölkə arasında hərəkət azadlığına mümkün məhdudiyyətlər barədə hər hansı bir fərziyyəni rədd edib.
“Belə bir qərar verilməyəcək. Kimsə qərar versə belə, dərhal ləğv ediləcək”, – deyə Vuçiç Serbiya-Rusiya vizasız rejiminin gələcəyi ilə bağlı suala qısa cavab verib.
Prezident vurğulayıb ki, Belqrad hazırkı xarici siyasət kursuna qətiyyətlə sadiq qalmaq niyyətindədir və fürsətçi tələbləri ödəmək üçün Rusiya vətəndaşlarının maraqlarını pozmayacaq.
Tahir Turan
Globalinfo.az
Həmçinin oxuyun
