Avropa Parlamenti elektrikli avtomobillərə keçidi sürətləndirmək və iqlim dəyişikliyi ilə mübarizə aparmaq məqsədilə 2035-ci ildən Avropa İttifaqında yeni benzin və dizel avtomobillərinin satışını effektiv şəkildə qadağan edən qanunu rəsmi olaraq təsdiqləyib.
Globalinfo.az xəbər verir ki, bu barədə “Reuters” agentliyi məlumat yayıb. Bu, dünyada tamamilə elektrikli avtomobillərə keçən ilk region olacaq.
Qanun həmçinin 2030-cu ildən satılan yeni avtomobillər üçün karbon qazının emissiyalarının 2021-ci ilə nisbətən 55 faiz azaldılmasını nəzərdə tutur ki, bu da mövcud 37,5 faiz hədəfindən xeyli yüksəkdir. Avropa İttifaqı ölkələri ötən ilin oktyabrında parlamentdə qərarı təsdiqləyib, lakin hələ də qaydaların qüvvəyə minməsi üçün yekun təsdiqin mart ayında olması gözlənilir.
Məlumata görə, yeni mikroavtobuslar 2021-ci illə müqayisədə 2035-ci ilə qədər karbon qazı emissiyasının 100%, 2030-cu ilə qədər isə 50% azalma tələblərinə cavab verməlidir.
Avropada bir çox avtomobil istehsalçıları elektrikləşdirməyə sərmayə qoyulacağını bəyan edib. Avropa Motor Yağları Təsnifatının baş direktoru Siqrid de Vries avtomobil sənayesinin sıfır emissiyalı avtomobillərə hazır olduğunu bildirib. O qeyd edib ki, 2030-cu ilə qədər Avropada akkumulyatorlu elektrik avtomobillərinin payı 70 faizi keçəcək.
Qeyd edək ki, qənaət naminə Amerika polisi də Tesla elektrik avtomobillərinə keçir.
