“Bakı–Xankəndi” Azərbaycan velosiped yarışının üçüncü mərhələsinin medalçıları mükafatlandırıb.
Globalinfo.az “Report”a istinadən xəbər verir ki, tədbirdə Azərbaycan Velosiped İdmanı Federasiyasının 1-ci vitse-prezidenti, turnirin Təşkilat Komitəsinin sədri Sahib Ələkbərov, Mingəçevir şəhər İcra Hakimiyyətinin başçısı İlham İsmayılov iştirak ediblər.
Qazaxıstanın “Astana” komandasının rusiyalı üzvü Qleb Suritsaya qızıl, belçikalı Dyupon Timotiyə (“Tarteletto-İsorex”) gümüş, ekvadorlu Pita Kristian Davidə (“Roojai İnsurance Winspace”) bürünc medal təqdim olunub.
Xatırladaq ki, Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın mükafat fondu 50 000 avrodan çoxdur. Yarışa mayın 14-də yekun vurulacaq.
Turnirin son mərhələsi Xankəndi şəhərində baş tutacaq.
***09:17
“Bakı–Xankəndi” Azərbaycan velosiped yarışının üçüncü mərhələsi bu gün başlayır.
Globalinfo.az “Report”a istinadən xəbər verir ki, üçüncü mərhələ 162,9 kilometr məsafəni əhatə edəcək.
Qəbələdə start götürəcək tur Mingəçevirdə yekunlaşacaq.
İlk mərhələdə finişə Çinin “Li-Ninq Star” komandasının belaruslu üzvü Aleksey Şnirko birinci çatıb. Ötən gün “Astana”nın qazaxıstanlı velosipedçisi Yevgeni Fyodorov növbəti raundun qalibi olub.
Beynəlxalq Velosipedçilər İttifaqının (UCI) 2.1 kateqoriyalı yarışında dünyanın 20 ölkəsini təmsil edən 24 komanda mübarizə aparır. Beş mərhələdən ibarət olan yarışın mükafat fondu 50 000 avrodan çoxdur. Yarışa mayın 14-də yekun vurulacaq.
Turnirin son mərhələsi isə Xankəndi şəhərində baş tutacaq.
Həmçinin oxuyun
