Bu gün səhər saatlarında polis baş serjantı Samir İsmayıl oğlu Mustafayev xəstəxanada vəfat edib.
Bu barədə Globalinfo.az-a Daxili İşlər Nazirliyinin (DİN) mətbuat xidmətindən məlumat verilib.
Məlumata görə, 1981-ci il təvəllüdlü S.Mustafayev mayın 24-də axşam saatlarında qida zəhərlənməsindən xəstəxanaya yerləşdirilib. Göstərilən tibbi müdaxilələrə baxmayaraq onun həyatını xılas etmək olmayıb. Araşdırma aparılır.
Qeyd edək ki, S.Mustafayev Əlahiddə Çevik Polis Alayında manqa komandiri vəzifəsində xidmət edib.