İran prezidenti Məsud Pezeşkian region ölkələrinin, o cümlədən Rusiyanın ABŞ-ın müdaxiləsi olmadan ümumi problemləri həll edəcəyini bildirib.
Globalinfo.az xəbər verir ki, Pezeşkian bu barədə Rusiya prezidenti Vladimir Putinlə görüşündə danışıb.
O, çoxqütblü dünyanın formalaşdırılmasının vacibliyini vurğulayaraq region ölkələrinin müstəqil şəkildə əməkdaşlıq qura və qarşılaşdıqları problemləri həll edə biləcəklərini açıqlayıb.
“Biz bütün problemlərimizi özümüz həll edə bilərik. Amerikanın köməyinə ümid etməyə ehtiyac yoxdur”, – deyə İran prezidenti vurğulayıb.
Pezeşkianın sözlərinə görə, region ölkələri iqtisadiyyat, təhlükəsizlik və humanitar sahələrdə bir-birinə dəstək göstərə bilərlər.
Əliyar Xəlil
