Fevral 1-də Kəlbəcərdə ağır yol-nəqliyyat hadisəsi baş verib.
Rayon Polis Şöbəsinə rayonun Qılınclı kəndi ərazisində “Niva” markalı avtomobilin idarəetməni itirərək Tərtər çayına aşması barədə məlumat daxil olub.
Globalinfo.az-a bu barədə Daxili İşlər Nazirliyinin (DİN) Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov məlumat verilib.
Avtomobildə olan 3 nəfər çıxarılıb. 2 mülki vətəndaş və bir hərbiçinin olduğu “Niva”-da hərbiçi və digər sərnişin F.Hüseynova yaralanıb. Onlar bədənin əzniyi xəsarəti alıb. Sürücü, 1981-ci il təvəllüdlü Nurlan Babayev isə hadisə zamanı aldığı xəsarətlərdən ölüb.
Faktla bağlı araşdırmalar davam etdirilir.
Zaira Akifqızı
