“Donald Tramp mənə dedi: Mişa, yenidən prezidentliyə namizəd olmağım barədə nə düşünürsən? “Düşünürəm ki, sizin qalib gəlmək şansınız çoxdur”, – deyə cavab verdim”.
Globalinfo.az xəbər verir ki, bunu Gürcüstanın sabiq prezidenti Mixail Saakaşvili deyib.
Saakaşvili bildirib ki, Tramp ona ətrafdakıların bu şanslara inanmadığını deyib.
“2013-cü ildə, prezidentliyimdən sonra mən Nyu-Yorkda idim. Maykl Koen mənə zəng edərək Donaldın danışmaq istədiyini dedi və telefonu ona verdi. Soruşdu ki, haradasan? Nyu-Yorkda olduğumu bildirdim. Həmin vaxt Tramp prezidentliyə namizədliyi ilə bağlı məndən fikrimi soruşdu. Onun şanslarını yüksək qiymətləndirdiyimi dedim. Mən onu ruhlandırdım”, – Saakaşvili vurğulayıb.
Müşviq Tofiqoğlu
Globalinfo.az
