“İsrail-Livan gərginliyinin genişmiqyaslı müharibəyə çevrilmə ehtimalı azdır. Tərəflər yalnız zərbələrlə kifayətlənəcək ki, bu da yanvar-fevral ayına qədər davam edəcək”.
Globalinfo.az xəbər verir ki, bunu erməni politoloq Armen Petrosyan deyib.
O, Vaşinqtonun ABŞ-dakı seçkidən sonra İsrailə kəskin təzyiq edəcəyini bildirib. Lakin Petrosyan Yaxın Şərqdəki qeyri-stabilliyin Ermənistana birbaşa təsir göstərdiyini söyləyib:
“Hizbullah”ın dağıdılması İranın mövqelərini zəiflədəcək. Bu, Tehranın mövqelərinə strateji zərbə olacaq. Son illərdə Ermənistan İrana Qafqazda əsas stabilləşdirici faktor kimi baxır. Bu o deməkdir ki, həmin faktor da zəifləyəcək. Bu isə onun rəqiblərini aktivləşdirə bilər. Söhbət Türkiyə və Azərbaycandan gedir. Bu ölkələr öz planlarının reallaşması üçün daha azad hərəkət edəcəklər”.
Əliyar Xəlil
Globalinfo.az
