Bu gün mərhum ilahiyyatçı hacı Şahin Həsənlinin anım mərasimidir.
Globalinfo.az bildirir ki, anım mərasimi Təzəpir məscidində keçirilir.
Mərasimdə mərhumun yaxınları ilə yanaşı, media, ictimaiyyət nümayəndələri, ilahiyyatçılar iştirak edirlər.
Xatırladaq ki, hacı Şahin Həsənli 2023-cü il mart ayının 2-də səhər saatlarında 48 yaşında ürək çatışmazlığından vəfat edib. Hacı Şahin Həsənli Qafqaz Müsəlmanları İdarəsinin (QMİ) səlahiyyətli nümayəndəsi idi.
Fotolar “Qafqazinfo”ya məxsusdur:
***09:13
Mərhum din xadimi Hacı Şahin Həsənlinin vəfatının birinci ildönümüdür.
Globalinfo.az xəbər verir ki, bu gün ilahiyyatçının Təzə Pir məscidində anım mərasimi keçiriləcək.
Mərasim saat 11:00-da olacaq.
Qeyd edək ki, Hacı Şahin ötən il martın 2-də Bakıda ürək çatışmazlığından vəfat edib. O, Yasamal qəbiristanlığında dəfn olunub.
