“Kremlin Brüsselin vasitəçiliyindən narahatlığı Azərbaycana və Ermənistana qarşı yönəlib”.
Globalinfo.az xəbər verir ki, bunu Rusiyanın son bəyanatını şərh edən politoloq Elxan Şahinoğlu deyib.
Elxan Şahinoğlu
Politoloq qeyd edib ki, Rusiya Xarici İşlər Nazirliyinin Qarabağla bağlı son bəyanatını oxuduqda söhbətin Azərbaycan ərazisindən deyil, sanki keçmiş Rusiya imperiyasına “aid” olan ərazisindən getdiyi təsəvvürü yaranır:
“Bəyanatda Ermənistanın Baş nazirinə açıq-aşkar “tövsiyə” edilib ki, “Brüsseli dinləmə və Qarabağı Azərbaycan ərazisi kimi tanıma”. Kremlin bəyanat vasitəsilə bizə də mesajı var: “Laçın dəhlizini açın”. İki ildən sonra Rusiya hərbi kontingentini Qarabağdan yola salmaq xarici və təhlükəsizlik siyasətimizin ana maddəsi olmalıdır, başqa alternativimiz yoxdur!”
