İranın atəşkəs təklifini rədd etməsindən sonra ABŞ Yaxın Şərqdə quru əməliyyatları keçirə bilən qüvvələr yerləşdirir. Bu addım Vaşinqtona İran daxilində mümkün əməliyyatlar üçün yeni, lakin məhdud və yüksək riskli seçimlər yaradır.
Globalinfo.az xəbər verir ki, bu barədə “Foks Nyus” öz mənbələrinə istinadən məlumat yayıb.
“Hərbi ekspertlər bildirirlər ki, bu yerləşdirmə genişmiqyaslı işğalın xəbərçisi deyil. Əksinə, məqsəd qısamüddətli və hədəflənmiş əməliyyatlar üçün hazırlıq görməkdir. Diplomatik imkanların daraldığı bir vaxtda bu variantlar daha аktual sayılır.
Son günlərdə Pentaqon regiona əlavə qüvvələr göndərib. Bunların arasında ABŞ ordusunun 82-ci Hava Desant Diviziyasına məxsus təxminən 1000 paraşütçü də var. Onların içində dünyanın istənilən nöqtəsində qısa müddətdə yerləşdirilə bilən 1-ci Briqada Döyüş Qrupu da yer alır.
Bundan əlavə, “Tripoli” amfibiya hücum gəmisinin rəhbərlik etdiyi 31-ci Dəniz Piyadaları Ekspedisiya Qrupu və ona bağlı minlərlə dəniz piyadası da bölgəyə göndərilib”, – məlumatda bildirilib.
Qeyd edək ki, ötən gün İran ABŞ-ın atəşkəs və sülh təklifini rədd edib.
Safura Bənnayeva
Globalinfo.az
Həmçinin oxuyun
