İsrail ordusunun Qəzza zolağında yerüstü hərbi əməliyyatlara başladığı gündən indiyə qədər həlak olan hərbçilərinin sayı 239-a çatıb.
Globalinfo.az xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.
Qəzzadakı səhiyyə qurumunun yaydığı məlumata görə, oktyabrın 7-dən bəri İsrailin hücumları nəticəsində Qəzzada ən azı 29 692 nəfər həlak olub, 69 879 nəfər yaralanıb.
Xatırladaq ki, ötən ilin 7 oktyabrında HAMAS İsrailin cənubuna hücum edib və bu hücum nəticəsində 1200-dən çox israilli qətlə yetirilib.
