“Artistin yaşı olmur. Bir bəstəkara necə demək olar ki, “sənin 80 yaşın var, musiqi bəstələmə”, rəssama deyəcəyik, “daha rəsm çəkmə”? Eləcə də artistə necə demək olar ki, sənin yaşın 80-dir, daha səhnəyə çıxma?! Yaşın yaradıcı insanlara heç bir aidiyyatı yoxdur”.
Bu sözləri Globalinfo.az-a açıqlamasında Xalq artisti Hacı İsmayılov 65 yaşına çatmış şəxslərin təqaüdə çıxması xəbərləri haqda danışarkən deyib.
O, yazılanların yalan məlumat olduğunu bildirib:
“Əvvəla, onu deyim ki, sosial şəbəkələrdə yazılanlar hamısı şayiədir. Digər tərəfdən də, teatrda 10 tamaşa varsa, onun səkkizində mən varam. Hətta dekabr ayında 6 günə 7 tamaşam var. Yaş məsələsinin mənimlə əlaqəsi yoxdur. Kiminsə məni teatrdan çıxarmaq fikri yoxdur. İşimin başındayam”.
Zaira Akifqızı
Globalinfo.az