İrəvan dəfələrlə bəyan edib ki, regionda düşmənçilik səhifəsini bağlamağa hazırdır.
Globalinfo.az xəbər verir ki. bunu Ermənistanın xarici işlər naziri Ararat Mirzoyan deyib.
O bildirib ki, Ermənistan Bakı ilə münasibətlərin tam normallaşmasına yönəlmiş danışıqlarda konstruktiv iştirakını davam etdirir.
“Sülh sənədini tez bir zamanda yekunlaşdırmaq və imzalamaq olar. Ermənistan Cənubi Qafqazda düşmənçilik səhifəsini bağlamağa hazırdır”, – deyə Mirzoyan vurğulayıb.
Xatırladaq ki, dünən parlamentin iclasında Ermənistanın baş naziri Nikol Paşinyan Azərbaycanla sazişin mətninin 90 faizinin razılaşdırıldığını bildirib.
Müşviq Tofiqoğlu
Globalinfo.az
