“Simpsonlar” cizgi serialının prodüseri El Cin tviter hesabında (“Trampstatik səyahət”) “Trumpstatic Journey” adlı qısa epizoddan paylaşdığı kadr müzakirələrə səbəb olub.
Globalinfo.az Axşam.az-a istinadən xəbər verir ki, prodüser bununla ekran işinin yeni proqnozu olduğunu bildirib. Paylaşımda 2015-ci ildə uçan Homer Simpson (red. – animasiyanın əsas personajlarından biri) və “Tramp 2024” yazılan prezident seçki kampaniyası posterini əks etdirən bir kadr yer alıb.
Belə ki, Amerikanın keçmiş prezidenti Donald Trampın 2024-cü ildə yenidən bu vəzifəyə namizədliyini irəli sürəcəyi iddia olunub.
Bundan əvvəl Donald Tramp 2024-cü ildə üçüncü dəfə Respublikaçılar Partiyasından prezident seçkilərində iştirak edəcəyini təsdiqləyib.
“Amerikanı yenidən möhtəşəm və gözəl etmək üçün mən bu gecə ABŞ prezidentliyinə namizədliyimi irəli sürürəm” deyən Tramp 2024-cü ildə prezident Co Baydeni məğlub edəcəyinə söz verib.
O, sonda “Amerikanın qızıl dövrü hələ qabaqdadır” deyə, vurğulayıb.
