Rusiyada məktəblilər üçün hərbi hazırlıq təlimlərinin həcmi əhəmiyyətli dərəcədə artırılıb.
Globalinfo.az xəbər verir ki, bunu Rusiyanın təhsil naziri Sergey Kravtsov bildirib. Onun sözlərinə görə, yeni tədris ilindən etibarən məktəblərdə keçirilən “Vətənin təhlükəsizliyi və müdafiəsinin əsasları” kursunun yarısı ilkin hərbi hazırlığa (BMT) ayrılacaq.
Kravtsovun sözlərinə görə, bu, dörd tədris ili ərzində ümumilikdə 68 saatlıq hərbi hazırlıq dərsi deməkdir. Əvvəlki göstərici ilə müqayisədə dərslərin sayının 2,5 dəfə artırıldığı bildirilir.
Nazir qeyd edib ki, proqram çərçivəsində şagirdlərə pilotsuz uçuş aparatlarının idarə olunması, eləcə də odlu silahlarla davranış və onlardan istifadə üzrə ilkin bacarıqlar öyrədiləcək.
Beləliklə, Rusiya məktəblərində hərbi hazırlığın tədris proqramındakı payı əvvəlki illərlə müqayisədə nəzərəçarpacaq dərəcədə genişləndirilir.
Tahir Turan
Globalinfo.az
