“Hizbullah”la atəşkəs razılaşması müharibənin bitdiyi anlamına gəlmir”.
Globalinfo.az xəbər verir ki, bunu İsrailin Baş naziri Benyamin Netanyahu deyib.
O bildirib ki, İsrail Livanın Hizbullah hərəkatı ilə atəşkəs razılaşmasına sadiqdir. Lakin bu, müharibənin bitməsi demək deyil.
Netanyahu “Hizbullah”ın razılaşmanı ciddi şəkildə pozduğunu və İsrailin cavab olaraq Livan boyu 20-dən çox hədəfə hücum etdiyini bildirib.
“Hazırda biz atəşkəs rejimindəyik, amma bu, müharibənin sonu deyil. Bizim məqsədimiz aydındır. Şimal sakinlərini geri qaytarmaq, ərazidə yaşayışı bərpa etmək istəyirik”, – Netanyahu vurğulayıb.
Müşviq Tofiqoğlu
Globalinfo.az
