Tezliklə öz sakinlərini qarşılayacaq Laçın şəhərində bərpa və yenidənqurma işləri davam edir.
Globalinfo.az bildirir ki, Baku TV-nin çəkiliş qrupu işğaldan azad olunmuş şəhərdə quruculuq işləri ilə tanış olub.
Qeyd edilib ki, Laçında yol infrastrukturunun qurulması üzrə işlər intensiv olaraq davam edir.
“Kəlbəcər-Laçın avtomobil yolu üzərində yerləşən 12 tunel və 26 körpünün sayəsində yol 33 kilometr daha qısa olacaq”, – deyə mühəndis Əyyub Hüseynov bildirib.
Həmçinin qeyd edilib ki, rayonun və ətraf kəndlərin enerji ilə təmin olunması məsələsi də prioritetlərdəndir. Buna görə də sentyabrın 21-də Prezident İlham Əliyev tərəfindən şəhərin cənub girişində Laçın qovşaq yarımstansiyasının təməli qoyulub.
Ətraflı videonu təqdim edirik:
