Göyçayda ofisiant dönərçini bıçaqlayıb.
Globalinfo.az bildirir ki, “Qafqazinfo”nun xəbərinə görə, hadisə şəhər ərazisində yerləşən kafelərin birində baş verib. Ofisiant işləyən rayon sakini Ələkbər Süleymanov iş yoldaşı, kafedə dönərçi kimi çalışan Ramiz Musayevə bıçaqla xəsarət yetirib. Yaralı xəstəxanaya yerləşdirilib və müalicəsi davam etdirilir.
Daxili İşlər Nazirliyiin (DİN) Mətbuat Xidmətinin Şəki regional qrupunun baş inspektoru, polis kapitanı Mahir Məsimov bildirib ki, hadisəni törədən şəxs polis əməkdaşları tərəfindən saxlanılıb: “Zərərçəkmişin xəsarətlərinin dərəcəsinin müəyyən olunması məqsədilə məhkəmə – tibbi ekspertizası təyin edilib. Faktla bağlı polis şöbəsində istintaq araşdırmaları davam etdirilir”.
