Gecə klublarının ərəbəsilli aparıcısı Basem Darviş Fəhminin bir müddət əvvəl həbs olunduğu iddia edilib.
Globalinfo.az oxu.az-a istinadən bildirir ki, bununla bağlı məlumat sosial şəbəkələrdə yayılıb.
Bildirilib ki, onun həbsinə səbəb qadın alveri ilə məşğul olması, gecə klublarını qanunsuz işlətməsi və ailəsinə qarşı amansız davranmasıdır.
Məsələ barədə Dövlət Miqrasiya Xidməti ilə əlaqə saxladıq.
Xidmətin İctimaiyyətlə əlaqələr idarəsinin rəis müavini, III dərəcəli miqrasiya xidməti qulluqçusu Natəvan Bayramova sorğumuza cavab olaraq bildirib ki, Basem Darviş Fəhmi adlı şəxs Bakı şəhər Qanunsuz Miqrantların Saxlanılması Mərkəzində saxlanılmır.
