“Krokus Qrup”un birinci vitse-prezidenti Emin Ağalarov şirkəti tərk edib.
Globalinfo.az xəbər verir ki, bunu E.Ağalarov özü açıqlayıb.
O, yeni “Agalarov Development” çoxprofilli kompaniya yaratdığını söyləyib:
“Mən şirkəti tərk etmişəm və hazırda öz proyektlərimlə – “Sea Breeze” kurort şəhəri, fitnes klub, restoranlar şəbəkələri ilə məşğul oluram”.
Emin Ağalarov atasının şirkətini tərk etməsinə əsas səbəbin işlərinin artması olduğunu göstərib. Bununla belə, Ağalarov yeni şirkətinin 60 layihə üzərində çalışdığını bildirib.
Qeyd edək ki, “Krokus Qrup” milyarder Araz Ağalarova məxsusdur.
İlkin Həsənov
Globalinfo.az
