“British Airways” aviaşirkəti uçuş planlaşdırma proqramındakı nasazlığa görə, aviareyslərin demək olar ki, yarısını ləğv edib.
Globalinfo.az xəbər verir ki, bu barədə çərşənbə axşamı, dekabrın 20-də hava daşıyıcısı bəyanat yayıb.
Məlumata görə, problem şirkət pilotlarının “Apple iPad” vasitəsilə daxil olduğu proqram təminatındakı nasazlıq səbəbindən yaranıb.
“British Airways” nümayəndəsinin sözlərinə görə, sistem təkmilləşmə prosesində olub.
Sistemdəki problemlər səbəbindən dünyanın hər yerində çox sayda sərnişin vəziyyətin girovuna çevrilib.
