İran Xarici İşlər Nazirliyinin sözçüsü Nəsir Kənani ABŞ dövlət katibinin Avropa və Avrasiya məsələləri üzrə köməkçisi Ceyms O-Braynın İran-Azərbaycan münasibətləri ilə bağlı açıqlamalarına münasibət bildirib.
Globalinfo.az xəbər verir ki, N.Kənani ABŞ-ın regiona müdaxilə cəhdlərini dayandırmalı olduğunu deyib.
“Amerikalılar öz avazlarından daha yüksək səslə danışırlar, aidiyyatı olmayan məsələlərə müdaxilə edirlər. ABŞ-ın İranın qonşuları ilə münasibətlərinə qarışmağa haqqı yoxdur. Vaşinqton regionun daxili işlərinə qarışmağı dayandırmalıdır”, -Kənani deyib.
Qeyd edək ki, C. O-Brayn İranın iştirakı ilə Cəmnubi Qafqazda dəhliz yaradılmasından danışıb, Azərbaycanla Ermənistan üçün Rusiya və İran oxun ətrafında gələcək qurulmasının qəbuledilməz olduğunu deyib.
Əliyar Xəlil
Globalinfo.az
