Nikol Pashinyan 1

Ermənistanın baş naziri Nikol Paşinyan TRIPP layihəsinin rəsmi fəaliyyətə başlama tarixini dəyişdiyini açıqlayıb. Layihənin noyabrın 22-də deyil, noyabrın 23-də start götürəcəyi məlum olub.

Globalinfo.az xəbər verir ki, Paşinyan bu barədə Teleqram kanalında məlumat yayıb.

O, əvvəlki açıqlamasında layihənin rəsmi açılışının noyabrın 22-də olacağını bildirsə də, sonradan tarixi səhv saldığını etiraf edib.

“Deməli, sabah bazar günüdür. TRIPP layihəsinə rəsmi start bazar ertəsi veriləcək”, – deyə Ermənistanın baş naziri yazıb.

Qeyd edək ki, Paşinyan daha əvvəl süni intellekt mövzusunda keçirilən açıq müzakirədə layihənin noyabrın 22-də rəsmən başladılacağını bildirmişdi. O, TRIPP-in əsas istiqamətlərindən birinin enerji və elektrik enerjisinin tranziti olacağını da vurğulamışdı.

Ermənistan hökumətinin planına əsasən, layihə çərçivəsində ölkənin elektrik şəbəkəsi Azərbaycan və Türkiyənin enerji sistemləri ilə birləşdirilməlidir.

Əliyar Xəlil

Globalinfo.az

Paylaş: