Xəbər verdiyimiz kimi, Türkiyə Prezidenti Rəcəb Tayyib Ərdoğan Azərbaycanın hava məkanından keçərkən Prezident İlham Əliyevi və xalqımızı təbrik edib.
Globalinfo.az bildirir ki, bir dövlət başçısının məhz bu formada – hava məkanındakı ikən təbrik edilməsinin Ərdoğanın hakimiyyəti dövründə ilk olduğu bildirilir.
Bununla belə, Türkiyə Prezidenti daha əvvəl də Azərbaycan səmasında olarkən təyyarənin radio rabitəsindən istifadə edib. Belə ki, 2016-cı il aprelin 26-da Azərbaycandan Xorvatiyaya uçan Ərdoğan təyyarənin pilot kabinəsinə daxil olaraq radio vasitəsilə Dünya Pilotlar Günü münasibətilə pilotları təbrik edib.
Lakin həmin hadisə ilə budəfəki müraciət arasında kiçik bir fərq var: 2016-cı ildə Ərdoğan radio vasitəsilə birbaşa pilotlara müraciət etmişdisə, bu dəfə pilot onun adından Prezident İlham Əliyevə və Azərbaycan xalqına Zəfər Günü münasibətilə təbrikini çatdırıb.
Əliyar Xəlil
Globalinfo.az
