“Qəzza zolağında bəzi israilli əsirlərin cəsədlərini tapmaq məqsədilə yeni bölgələrə daxil olunacaq”.
Globalinfo.az xəbər verir ki, bunu HƏMAS-ın Siyasi Bürosunun üzvü və Danışıqlar Heyətinin rəhbəri Halil əl-Hayya deyib.
O, həmçinin təşkilatın silahı nə zaman və hansı şərtlərlə buraxacağını da rəsmi şəkildə açıqlayıb:
“Bizim silahımız işğalın və hücumların mövcudluğu ilə bağlıdır. Əgər işğal sona çatsa, bu silah dövlətə təhvil veriləcək”.
Halil əl-Hayya, silah məsələsinin hazırda vasitəçilər arasında müzakirə olunduğunu, razılaşmanın hələ birinci mərhələsində olduqlarını bildirib.
Safura Bənnayeva
Globalinfo.az
