Globalinfo.az xəbər verir ki, bu barədə İsrail ordusunun mətbuat xidməti məlumat yayıb.
“İsrail Müdafiə Qüvvələri HƏMAS-ın hərbi qanadında təbliğat və psixoloji terrora nəzarət edən terrorçu Məhəmməd Saleh əl-Bərdavili öldürüb. Əl-Bərdavil HƏMAS-ın təbliğat aparatında mərkəzi rol oynayıb”, – bəyanatda deyilir.
Departament qeyd edib ki, öldürülən şəxs Həmas terror təşkilatı tərəfindən yayılan və Qəzzada oğurlanmış israillilərin görüntüləndiyi təbliğat videolarının çəkilməsində fəal iştirak edib.
“Onu Qəzzada tanınmış jurnalist adlandırsalar da, o HƏMAS-ın təhrik və terror mexanizminin ayrılmaz hissəsi olub”, – deyə departament əlavə edib.
Bundan başqa, Ordu “Həmas” terror təşkilatına qarşı mübarizəni davam etdirəcəklərini və İsrail vətəndaşlarına qarşı hər hansı təhlükəni aradan qaldıracaqlarını” bildirib.
Aysel Əliyeva
Globalinfo.az
