Beynəlxalq Atom Enerjisi Agentliyinin (MAQATE) qəbul etdiyi ittiham dolu qətnaməyə baxmayaraq, İran uranın zənginləşdirilməsindən imtina etməyəcək
Globalinfo.az xəbər verir ki, bunu İran Prezidenti Məsud Pezeşkian deyib.
Onun sözlərinə görə, İran planlaşdırdığı yoldan dönməyəcək və uranın zənginləşdirilməsi davam etdiriləcək:
“Hətta obyektlərimiz bombalansa belə, bizim biliklərimiz qalacaq. Onlar nəyi dağıtsa da, biz onu bərpa edəcəyik.”
Prezident Pezeşkian MAQATE-nin İdarə Heyətinin qəbul etdiyi qətnaməni “zərərli” adlandırıb.
Qeyd edək ki, daha əvvəl Rusiyanın Vyanada yerləşən beynəlxalq təşkilatlardakı daimi nümayəndəsi Mixail Ulyanov açıqlamışdı ki, MAQATE-nin İdarə Heyəti İranın guya nüvə silahının yayılmaması üzrə öhdəliklərini pozduğunu bildirən qətnaməni qəbul edib.
Sənədə qarşı Rusiya, Çin və Burkina-Faso səs verib.
Aysel Əliyeva
Globalinfo.az
