“ABŞ və İsrail Suriyadakı qeyri-sabitlikdən istifadə edir”.
Globalinfo.az xəbər verir ki, bu barədə İran İslam İnqilabı Keşikçiləri Korpusunun (SEPAH) bəyanatında deyilir.
SEPAH İsrail ordusunun Suriyaya zərbələrini pisləyib və ölkənin cənubunda ərazilərin ələ keçirilməsini açıq-aşkar təcavüz aktı adlandırıb.
Bildirilib ki, ABŞ və İsrailin addımları yalnız müqavimət oxunu birləşdirir.
Qeyd edək ki, İsrail ordusu 1974-cü il müqaviləsinin şərtlərini pozaraq Suriyanın cənubundakı Qolan təpələrini və ona bitişik bir sıra rayonları nəzarəti altına alıb.
Müşviq Tofiqoğlu
Globalinfo.az
