Portuqaliyalı futbolçu Pepe futbolçu kimi karyerasını başa vurub.
Globalinfo.az xəbər verir ki, 41 yaşlı futbolçu oynadığı 23 mövsüm ərzində ümumilikdə 34 kubok qazanıb.
Pepe 10 il İspaniya nəhəngi “Real Madrid”in, 9 il isə Portuqaliyanın köklü klublarından olan “Porto”nun forması ilə çıxış edib. O, 2019-cu ilin yanvarında azad agent kimi “Beşiktaş”dan Portuqaliya klubuna keçib.
Futbolçu ümumilikdə klub səviyyəsində 700 oyuna çıxıb.
İspaniyanın “Real Madrid” klubundakı çıxışı ilə yaddaşlarda qalan Pepe “kral klubu” ilə 3 dəfə Çempionlar Liqasının, 2 dəfə Klublararası Dünya Çempionatının və UEFA Super Kubokunun qalibi olub.
41 yaşlı oyunçu Almaniyada keçirilən son Avropa Çempionatında Portuqaliya millisinin formasını geyinməklə çempionat tarixinin ən yaşlı oyunçusu olaraq tarixə düşüb.
