Belarus Prezidenti Aleksandr Lukaşenko “Prezident haqqında” qanuna dəyişiklikləri imzalayıb.
Bu barədə dövlət başçısının mətbuat xidməti məlumat yayıb.
Dəyişikliklər, xüsusilə, istefa verən prezidentə və onun ailə üzvlərinə toxunulmazlıq, ömürlük müdafiə və dövlət daşınmaz əmlakı hüququnu təmin edir.
Dəyişiklik edilmiş qanun prezident vəzifəsini tərk edən şəxsin Ümumbelarus Xalq Assambleyasının nümayəndəsi və Respublika Şurasının ömürlük üzvü olmasını nəzərdə tutur. Eks-prezidentə və onun ailə üzvlərinə onun hakimiyyəti dövründə törədilmiş hər hansı cinayətlərə görə toxunulmazlıq verilir.
Qanunda qeyd olunur ki, prezident istefa verdikdən sonra dövlət daşınmaz əmlakı, o cümlədən üzərində əsaslı tikililərin yerləşdiyi torpaq sahəsi hədiyyə olunacaq. Bundan əlavə, dəyişikliklər müəyyən edir ki, yalnız seçkilərə qədər azı 20 il respublikada yaşayan və xaricdə yaşamaq üçün icazəsi olmayan azı 40 yaşı olan vətəndaş prezident ola bilər.
Lukaşenkonun mətbuat xidmətinin verdiyi məlumata görə, prezident haqqında qanuna hərtərəfli düzəliş 2022-ci ildə respublika Konstitusiyasına əlavə və dəyişikliklərin edilməsi ilə nəzərdə tutulub. Bu düzəlişlər prezident hakimiyyətini iki müddətlə məhdudlaşdırır, həmçinin Ümumbelarus Xalq Assambleyasını hakimiyyət sistemində birləşdirir.
(Oxu.az)
