İsrail BMT-ni HƏMAS-la əməkdaşlıqda ittiham edib.
Globalinfo.az xəbər verir ki, bu iddia ilə İsrailin xarici işlər naziri İsrael Katz çıxış edib.
Buna səbəb BMT-nin İnsan Haqları Şurasının təyin etdiyi ekspertlər qrupunun İsrailə silah embarqosunu tövsiyə etməsidir.
Ona görə də İsrael Katz BMT-nin HƏMAS-la əməkdaşlıq etdiyini və İsrailin özünü müdafiə hüququnu pozmağa çalışdığını vurğulayıb.
Katz əlavə edib ki, HƏMAS-ın törətdiyi cinayətlərə məhəl qoymamaq BMT və onun Baş katibi Antonio Quterreş üçün silinməz ləkədir.
Məlumat üçün bildirək ki, fevralın 23-də BMT-nin hüquq və azadlıqlar sahəsində 30-dan çox eksperti İsrail və HƏMAS-a silah tədarükünün dayandırılmasının lehinə çıxış edib. Bəyanatı BMT-nin Fələstin ərazilərində insan haqlarının vəziyyəti üzrə xüsusi məruzəçisi Françeska Albanese və 30 həmkarı imzalayıb.
Əliyar Xəlil
Globalinfo.az