“Qafqazda sülhün bərqərar olması üçün hər iki tərəfə diqqət yetirilməlidir”.
Globalinfo.az xəbər verir ki, bunu Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev X (Tvitter) platformasında paylaşımında qeyd edib.
“Azərbaycanın bu bölgəsi – Qarabağ 30 il ərzində qonşu Ermənistan tərəfindən işğal olunub. 1990-cı illərin əvvəllərində 1 milyona yaxın azərbaycanlının öz torpaqlarında etnik təmizləməyə məruz qaldığı amansız müharibədən sonra işğalçı Ermənistan silahlı qüvvələri bu ərazinin minlərlə kvadrat metrini minalayıb. Orada, Azərbaycanda qalan etnik ermənilərin icması Ermənistanla vahid quru yolu – Laçın yolu ilə əlaqə saxlayırdı.
Qanunsuzluğun və minaların bu boz zonası üç il əvvələ qədər, Azərbaycan 44 günlük münaqişədə Qarabağ ərazisinin böyük hissəsini azad edənə qədər mövcud idi” – Hacıyev vurğulayıb.
“To clinch peace in the Caucasus, pay attention to both sides”
This region of Azerbaijan – Karabakh- was occupied by neighboring Armenia for 30 years. And after a brutal war in the early 1990s, which saw close to 1 million Azerbaijanis ethnically cleansed from their land,…
— Hikmet Hajiyev (@HikmetHajiyev) September 14, 2023
