Azərbaycanda faktiki hava açıqlanıb.
Milli Hidrometeorologiya Xidmətindən Globalinfo.az-a verilən xəbərə görə, martın 16-sı saat 15:00-a olan məlumatına əsasən Göygöl, Gəncə, Oğuz, Şəki, Qaxda yağış, Şahdağda qar yağır.
Martın 16-da Kürdəmir rayonunun Atakişilər kəndinə saat 03.20-03.25 radələrində diametri 0.5-0.8 mm, saat 12.30 radələrində isə Naxçıvanda 0.5 mm olan dolu düşüb.
Havanın temperaturu Bakıda və Abşeron yarımadasında 12, Naxçıvan MR-da və Aran rayonlarında 15, dağlıq rayonlarda 11 dərəcəyədək isti, yüksək dağlıq ərazilərdə 1 dərəcə şaxta qeydə alınıb.
***11:23
Faktiki hava açıqlanıb.
Globalinfo.az Milli Hidrometeorologiya Xidmətinin martın 16-sı saat 10:00-a olan məlumatına əsasən xəbər verir ki, 15-i axşamdan hava şəraiti dəyişib, bəzi yerlərdə arabir yağıntılı olub, şimşək çaxıb, dağlıq ərazilərdə qar yağıb, gecə saatlarında Bakıda və Abşeron yarımadasında yağış yağıb.
Qar örtüyünün hündürlüyü Şahdağda 10 sm, Xınalıqda 1 sm olub.
Düşən yağıntının miqdarı Şahdağ, Şəkidə 9 mm, Qaxda 7 mm, Tovuz, Zaqatala, Qusar, Qrız, Şəmkir, Gədəbəydə 4 mm, Daşkəsən, Kürdəmir, Göygöl, Balakən, Ağstafa, Oğuz, İsmayıllı, Ağsu, Altıağac, Şahbuz, Ordubad, Gəncə, Qəbələ, Qobustan, Şamaxı, Quba, Şabran, Bərdə,Tərtər, Yevlax, Göyçay, Sabirabad, Cəfərxan, Neftçala, Astara, Lənkəranda 3 mm-dək, Bakıda və Abşeron yarımadasında 1 mm-dək olub.
Daşkəsən, Gədəbəy, Göygöl, Naftalan, Gəncə, Şəmkir, Şəki, Qax, Quba, Qusar, Xaltan, Qrız, Yevlax, Lerik və Bakıda və Abşeron yarımadasında duman müşahidə olunub.
Dumanda görünüş 50-500 metrədək məhdudlaşıb.
Havanın maksimal temperaturu martın 15-də Bakıda və Abşeron yarımadasında 15, Naxçıvan MR-da 20, Aran rayonlarında 17, dağlıq rayonlarda 13, yüksək dağlıq ərazilərdə 3 dərəcəyədək isti olub.
