“İran İsrailin təcavüzünə cavab vermək hüququnu özündə saxlayır”.
Globalinfo.az xəbər verir ki, bunu İran xarici işlər nazirinin müavini Abbas Araqçı deyib.
O bildirib ki, Tehran oktyabrdakı hava hücumuna görə yəhudi dövlətindən qisas almaq fikrindən əl çəkməyib.
“Tehran regional hadisələri nəzərə alaraq İsrailin son hava təcavüzünə cavab vermək hüququnu özündə saxlayır”, – Araqçı bildirib.
Nazir bir gün əvvəl Livan və İsrail arasında əldə olunan atəşkəs razılaşmasına da toxunub. Araqçı razılaşmanın daimi atəşkəsə gətirib çıxaracağına ümid etdiyini vurğulayıb.
Müşviq Tofiqoğlu
Globalinfo.az
