Yaponiyanın baş naziri Kişida ianə gəlirlərini az bəyan etməkdə şübhəli bilinən nazirlərin vəzifədən azad ediləcəyini açıqlayıb.
Globalinfo.az xəbər verir ki, Kişida qeyd edib ki, “xalqın siyasətə sarsılmış inamını bərpa etmədən” siyasi sabitliyə nail olmaq mümkün deyil.Yaponiyanın baş naziri Kişida Fumio bildirib ki, hakim Liberal Demokrat Partiyası (LDP) xeyriyyə tədbirlərində “gəlirlərini az bəyan etməkdə” şübhəli bilinən nazirləri istefaya göndərəcək.
LDP-də “Abe Şinzo” qrupu kimi tanınan “Seiva” fraksiyasına mənsub deputatların “partiya ianə tədbirlərindən əldə etdikləri gəliri aşağı bəyan etdikləri” iddiaları ölkə gündəmində geniş yer alıb.
Baş nazir Kişida Milli Məclisin növbədənkənar iclasının son günü keçirdiyi mətbuat konfransında bu iddialara qarşı atılacaq addımları açıqlayıb.
İddiaları “olduqca uğursuz” adlandıran Kişida “xalqın siyasətə sarsılmış inamını bərpa etmədən” ölkədə siyasi sabitliyin əldə edilə bilməyəcəyinə inandığını bildirib.
Kişida kabinetdəki “Seiva” qrupuna daxil olan nazirləri istefaya göndərəcəyini bildirərək, onların siyasətə ictimai dəstəyi artırmağı hədəfləyəcəklərini bildirib.
LDP daxilində ən böyük fraksiya kimi tanınan “Seiwa”ya mənsub 4 nazir, 5 yüksək səviyyəli nazir müavini və 6 parlament nazir müavini var.
Yaponiyada 2022-ci ilin iyulunda iştirak etdiyi seçki kampaniyası zamanı silahlı hücum nəticəsində dünyasını dəyişən keçmiş baş nazir Abe Şinzo ölkə tarixində bu vəzifədə ən uzun müddət xidmət edən şəxs olub.
