Xəzər dənizində 3,3 maqnitudalı zəlzələ baş verib.
Bu barədə Globalinfo.az-a Respublika Seysmoloji Xidmət Mərkəzindən bildirilib.
“Zəlzələlərin tədqiqatı bürosunun məlumatına əsasən, Xəzər dənizində zəlzələ qeydə alınmışdır”, – Mərkəzin məlumatında deyilir.
Yerli vaxtla 06.09-da qeydə alınan yeraltı təkanların ocağı 62 km dərinlikdə olub.
Qeyd edək ki, bu gün saat 00.58-də Masallı rayonunda da zəlzələ baş verib.
***01:30
Masallıda 3,5 maqnitudalı zəlzələ olub.
Bu barədə Globalinfo.az-a Respublika Seysmoloji Xidmət Mərkəzindən bildirilib.
“Zəlzələlərin Tədqiqatı Bürosunun məlumatına əsasən, Lənkəran stansiyasından 29 km şimalda, Masallı rayonunda zəlzələ qeydə alınmışdır. Zəlzələ 3 bala qədər hiss olunmuşdur”, – Mərkəzin məlumatında qeyd olunub.
Yeraltı təkanların ocağı 18 dərinlikdə olub. Təbiət hadisəsi yerli vaxtla 00:58-də qeydə alınıb.
