Səudiyyə Ərəbistanı Futbol Çempionatının təşkilatçıları “Əl-Nəsr”in hücumçusu Kriştiano Ronaldonun oyunları boykot etmək qərarına cavab verib.
Globalinfo.az xəbər verir ki, bu barədə “ESPN” məlumat yayıb.
“Kriştiano gəlişindən bəri “Əl-Nasr” layihəsində tam iştirak edib və klubun inkişafında və ambisiyalarında mühüm rol oynayıb. Hər hansı bir elit oyunçu kimi, o da qalib gəlmək istəyir. Amma nə qədər vacib olsa da, heç kim klubundan kənarda qərarlar qəbul edə bilməz”, – deyə bəyanatda bildirilib.
Qeyd edək ki, bundan əvvəl Ronaldonun klubun Səudiyyə Ərəbistanının Dövlət İnvestisiya Fondu (PIF) tərəfindən idarə olunmasından narazı olduğu barədə məlumatlar yayılmışdı.
Əliyar Xəlil
Globalinfo.az
