“İnsanlar panikaya düşməsinlər, gedib rahat yatsınlar”.
Globalinfo.az xəbər verir ki, bu sözləri Manset.az-a açıqlamasında Respublika Seysmoloji Xidmət Mərkəzinin baş direktoru Qurban Yetirmişli deyib.
O qeyd edib ki, zəlzələ paytaxt Bakıda hiss olunmayıb:
“Zəlzələ Saatlı-Şirvan arasında hiss olunub. Dərinliyi çox olsa da, qorxulu bir şey yoxdur. İnsanlar maqnitudanın 5.1 bal gücündə olmasına görə qorxmasınlar. Bakıda külək olanda da otuzuncu mərtəbədəkilər hiss edir. Mən özüm zəlzələni hiss etmədim. İnsanlar panikaya düşməsinlər, gedib rahat yatsınlar”.
