Gəncədə piyadaların vurulması ilə nəticələnən yol qəzası baş verib.
Globalinfo.az APA-ya istinadən xəbər verir ki, hadisə şəhərin Avtozavod qəsəbəsində qeydə alınıb.
Hərəkətdə olan NİVA markalı minik avtomobili yolu qarşı tərəfə keçmək istəyən 2011-ci il təvəllüdlü Ə.M.- ni və 2009-cu il təvəllüdlü İ.M.- nı vurub. Piyadalar xəstəxanaya yerləşdiriliblər. Həkimlərin tibbi müdaxiləsinə baxmayaraq 2011-ci il təvəllüdlü Ə.M dünyasını dəyişib.
Faktla bağlı araşdırma aparılır.
