Avropa İttifaqının Ukraynaya yardımla bağlı ümumi öhdəlikləri 138 milyard avroya çatıb.
Globalinfo.az xəbər verir ki, bunu Avropa İttifaqının xarici siyasət xidmətinin rəhbəri Josep Borrell deyib.
O, ABŞ-ın Kiyevə yeni vəsait ayıracağına ümid etdiyini bildirib. Aİ-nin Ukraynaya 138 milyard avro həcmində uzunmüddətli yardım öhdəliyi olduğunu, gələcəkdə bundan da çox vəsaitin ayrılacağını xatırladıb.
Qeyd edək ki, Borrell Kiyevə 2027-ci ilə qədər ödənməli olan 88 milyard avroluq yardım paketinə daha 50 milyard avro əlavə edilməsi haqda qərar verib. Gələn həftə isə Borrell böyük ehtimalla bu rəqəmin 143 milyard avroya çatdırıldığını açıqlayacaq.
Belə ki, martın 18-də Brüsseldə keçiriləcək iclasda Avropa Sülh Fondu tərəfindən Ukraynaya əlavə 5 milyard avro ayrılması nəzərdə tutulur.
Əliyar Xəlil
Globalinfo.az