Azərbaycan Premyer Liqasında II turun növbəti oyunu keçirilib.
Globalinfo.az xəbər verir ki, günün ikinci matçında son çempion “Qarabağ”la “Sumqayıt” üz-üzə gəlib.
“Azersun Arena”da təşkil olunan görüş “kimyaçılar”ın 1:0 hesablı qələbəsi ilə yekunlaşıb.
Baş hakim Cavid Cəlilovun idarə etdiyi matçda yeganə qolu Ronaldo Vaskes vurub. O, 72-ci dəqiqədə Ağdam təmsilçisinin qapıçısı Şahruddin Məhəmmədəliyevin səhvindən istifadə edib.
“Sumqayıt” xallarının sayını 6-ya çatdırıb. Ağdam klubu isə hələ xalsızdır. “Köhlən atlar”ın ilk turda “Sabah”la oyunu təxirə salınmışdı.
Qeyd edək ki, günün ilk oyununda “Neftçi” səfərdə “İmişli” ilə qolsuz heç-heçə edib. Turun digər oyunları 23, 24 və 25 avqust tarixlərində keçiriləcək.
