NATO-nun baş katibi Mark Rutte ilə dialoqdan sonra Ukrayna lideri yaxın gələcəkdə əhəmiyyətli dəyişikliklərin mümkünlüyünə işarə edib.
Globalinfo.az xəbər verir ki, bu barədə Britaniyanın “The Sunday Times” qəzeti məlumat yayıb.
Zelenski öz Teleqram kanalında yazıb:
“Mən Mark Rutte ilə danışdım və biz yaxın günlərdə danışmağa davam edəcəyik. Bunlar vacib günlərdir və çox şey dəyişə bilər”.
Qəzetin yazdığına görə, Zelenski həm daxili problemlərdən, o cümlədən korrupsiya qalmaqalından, həm də Ukrayna Silahlı Qüvvələrinin cəbhə xəttində üzləşdiyi ciddi çətinliklərdən qaynaqlanan mürəkkəb böhranla üzləşib. Bu şəraitdə NATO rəhbərliyi ilə danışıqlar xüsusi əhəmiyyət kəsb edir.
Hazırkı kontekst Ukraynanın Qərb tərəfdaşlarından davamlı dəstəyi ilə bağlı mühüm qərarların mümkünlüyünü göstərir. Yüksək səviyyəli diplomatik dialoq əməkdaşlığın strateji sahələrinə təsir göstərə və ölkənin gələcək müdafiə potensialını müəyyən edə bilər.
Tahir Turan
Globalinfo.az
