Azərbaycan əsgərlərinin Türkiyə milisinin Avro – 2024 çərçivəsində Çexiya üzərindəki qələbəsinə verdiyi reaksiya sosial şəbəkələrdə gündəm olub.
Globalinfo.az xəbər verir ki, Türkiyə Müdafiə Nazirliyi “X” hesabında əsgərlərin Azərbaycan Silahlı Qüvvələrinin yaradılmasının 106-cı ildönümündə Türkiyə millisinin qələbəsinə sevinci ilə bağlı paylaşım edib.
“Can Azərbaycandan bizim uşaqlara tam dəstək. Bu gün 106-cı ildönümünü qeyd edən Azərbaycan Silahlı Qüvvələrinin qəhrəman əsgərləri Türkiyə milli komandasının oyunlarını həyəcanla izləyərək Cenk Tosunun qalibiyyət gətirən qoluna belə sevindilər. Təşəkkürlər, Qarabağ aslanları. Hər zaman bir və bərabərik” – paylaşımda qeyd olunur.
Nazirliyin paylaşımından sonra görüntülər sosial şəbəkələrin Türkiyə seqmentində sürətlə yayılmaöa başlayıb və gündəm olub.
Ayşən Mustafa
Globalinfo.az