***
14.02.2023 14:34
Xilasedicilər Türkiyənin Malatya şəhərində 4 azərbaycanlı tələbənin olduğu mərtəbənin salonuna daxil olublar.
Bu barədə Globalinfo.az-a zəlzələ nəticəsində dağıntılar altında qalan Hümam İsmayıllının yaxınları məlumat verib.
Bildirilib ki, xilasedicilərə tələbələrimizin yaşadıqları mərtəbənin sxemi təqdim olunub:
“Artıq xilasedicilər salona daxil olublar. Hələ ki bayraqlar tapılıb. Yatdıqları otağın sxemi verilib və xilasedicilər o istiqamətə doğru qazaraq irəliləməyə başlayıblar”.
Tələbələrdən Gündüz Nəzərzadənin qaldığı evdən Qurani-Kərim, eləcə də Türkiyə və Azərbaycan bayraqları tapılıb.
Zaira Akifqızı
Globalinfo.az