İran Prezidenti İbrahim Rəisi, xarici işlər naziri Hüseyn Əmir Abdullahian və helikopter qəzasında həlak olan digər dövlət rəsmiləri dəfn ediliblər.
Globalinfo.az xəbər verir ki, Təbrizdə prezident və dövlət rəsmiləri ilə vida mərasimi keçirilib.
Həlak olanların cənazəsi şəhər meydanına gətirilib.
***
Təbriz şəhərində helikopter qəzasında həlak olan İran Prezidenti İbrahim Rəisi və xarici işlər naziri Hüseyn Abdullahianla vida mərasimi başlayıb.
Globalinfo.az xəbər verir ki, bu barədə İRNA agentliyi məlumat yayıb.
Qeyd edək ki, İran Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Al-Haşim, Şərqi Azərbaycan vilayətinin valisi Malik Rəhməti 19 mayda Şərqi Azərbaycan vilayətində baş verən helikopter qəzasında həlak olub.
