“Rusiyanın pilotsuz təyyarələri üçün yeni texniki avadanlıq alması, kəşfiyyat və taktiki dəyişikliklər Ukraynaya kütləvi zərbələrinin effektivliyini artırıb”.
Globalinfo.az xəbər verir ki, bunu hərbi bloger Yuri Podolyaka deyib.
“PUA-larımız təkcə gecələr deyil, səhərlər də kütləvi zərbələr endirirlər. Əslində, sonuncu iki böyük zərbə məhz belə idi. Yəni, pilotsuz təyyarələrin kameraları hədəfləri yaxşı görəndə vurdular”, – o vurğulayıb.
Hərbi blogerin fikrincə, Rusiya Silahlı Qüvvələrinin PUA-ları daha sürətli olub, həm də aşağı hündürlüklərdə uçuş qabiliyyətini artırıb:
“Son dörd illik müharibədə kəşfiyyatımız hərfi mənada sıfırdan başlayaraq güclü və çoxsəviyyəli hədəf aşkarlama sistemi yaradıb”.
Qeyd edək ki, dekabrın 6-da Rusiya qoşunları Ukrayna ordusunun istifadə etdiyi enerji və nəqliyyat infrastrukturu obyektlərinə, hərbi-texniki avadanlıq anbarına, Ukrayna bölmələrinin məntəqələrinə ziyan vurub.
Əliyar Xəlil
Globalinfo.az
