Putin sürücülük vəsiqəsini nə vaxt və harada almasından danışıb.
Globalinfo.az xəbər verir ki, Rusiya lideri bu barədə dövlət məmurları ilə keçirdiyi görüşdə deyib.
O bildirib ki, ilk dəfə sürücülük vəsiqəsini 20 yaşında olarkən oxuduğu universitetin hərbi kafedrasından alıb:
“Mən şəxsən 20 yaşımda sürücülük vəsiqəsi almışam. DOSAAF-da (Ordu, Aviasiya və Hərbi Dəniz Qüvvələrinin Təşviqi üzrə Könüllü Cəmiyyət – red) yox, universitetdə hərbi kafedrada… Amma DOSAAF-da da həmişə eyni şey baş verib. Yəni orada da sürücülük vəsiqəsini əldə etmək imkanı yaradılıb”, – deyə Putin vurğulayıb.
Kreml rəhbəri qeyd edib ki, DOSAAF-da gənclər bir çox faydalı bacarıqlara yiyələnirlər:
“DOSAAF ölkə vətəndaşlarının hərbi xidmətə hazırlanması və hərbi-vətənpərvərlik ruhunda tərbiyə olunması üçün yaradılan və vətəndaş cəmiyyəti ilə Silahlı Qüvvələr arasında əlaqə rolunu oynayan ictimai dövlət təşkilatıdır”, -deyə Putin fikirlərini tamamlayıb.
Əliyar Xəlil
Globalinfo.az