Polşa Rusiyanın Poznandakı Baş Konsulluğunu bağlayacaq.
Globalinfo.az xəbər verir ki, bu barədə Polşanın xarici işlər naziri Radoslav Sikorski deyib.
Onun sözlərinə görə, konsulluğun əməkdaşları persona non-qrata elan ediləcək və Polşa ərazisini tərk etməli olacaqlar.
Bu addım Rusiyanın xüsusi xidmət orqanlarının Vroslavda təxribat təşkil etmək cəhdlərindən sonra atılıb.
“Rusiya Qərb ölkələrinə, o cümlədən Polşaya qarşı hibrid müharibə aparır. Məndə olan məlumata görə, təxribat cəhdlərinin arxasında Rusiya xüsusi xidmət orqanları dayanır”, – deyə XİN rəhbəri vurğulayıb.
Polşa Xarici İşlər Nazirliyinin mətbuat katibi Pavel Vronski əlavə edib ki, konsulluq yaxın günlərdə fəaliyyətini dayandıracaq, əməkdaşlarından isə ölkəni tərk etmək tələb olunacaq.
Müşviq Tofiqoğlu
Globalinfo.az
